ലൈക്സും ഷെയറും

കൂടെയുള്ളത് മകൾ തന്നെ

സംശയിക്കേണ്ട കാര്യമേയില്ല 

അത്രയ്ക്കുണ്ട്  മുഖസാദൃശ്യം 

അതേ ഒട്ടിയ കവിളും കുഴിഞ്ഞ കണ്ണും 

എന്നാൽ കഴിയുന്നതെന്തെങ്കിലും

ചെയ്യണം ഇവർക്കായി  ഉറപ്പിച്ചു ഞാൻ 

ചവറിൽ നിന്നവർ എച്ചിൽ വാരുന്ന

ഫോട്ടോ ഒരെണ്ണം ഫേസ്ബുക്കിലിട്ടു  

കാരുണ്യം വറ്റാത്ത മനസ്സുകളനവധി 

ഇപ്പോഴുമുണ്ട് നമുക്ക് ചുറ്റും 

ഇന്നലെ ഇട്ട പോസ്റ്റിനു കണ്ടില്ലേ 

കിട്ടിയതെത്ര ലൈക്സും ഷെയറും