Tuesday, 1 October 2013

നഷ്ടം

നിന്നെ നഷ്ടപ്പെടുത്തി ഞാൻ 
നേടിയതൊക്കെയും കുറിച്ച് വെയ്ക്കാൻ
കരുതിയ പുസ്തകത്തിൻ താളുകൾ
ശൂന്യം തന്നെയിപ്പോഴും 

നിനക്ക് നഷ്ടമായത്..

ആദ്യമായ് പ്രണയം നൽകിയപ്പോൾ 
എന്റെ കാതിൽ നീ മധുരമായ് മന്ത്രിച്ചു   
നീയെന്റെ പ്രാണൻ, നീയെന്റെ  പുണ്യം
നീയെന്റെ സ്വപ്നം,നീയെന്റെ സ്വന്തം

ഒടുവിലെന്നെ കശക്കിയെറിഞ്ഞു നീ 
കടന്നു പോയപ്പോൾ ബാക്കിയായത് 
പിഴച്ചവളെന്നൊരു പേരും, കൂടെ 
നീറിപ്പുകയുമൊരു ചോദ്യവും മാത്രം   

നീ കവർന്നെടുത്തതെല്ലാം ഞാൻ
നിനക്കായ്‌ മാത്രം കരുതിയതല്ലേ....

                                        ആശാ ദാസ്‌